Hĩndĩ ĩmwe itũrainĩ rĩa kĩambaa nĩ kwarĩ mwanake wetagwo Maara. Maara maikaraga na nyina marĩ o oiki tondũ ithe nĩ arĩkĩtie gũkua. Nĩ maikaraga mũtũrĩre mũritũ tondũ marĩ athĩni.
Nĩgwakinyire hĩndĩ nyina wa Maara akĩnyitwo nĩ ndwari yarĩ njũru.
Nĩ ageririe kũrigitwo nĩ ago no ndaigana kũhona. Thutha wa gũtindĩkwo nĩ ndwari
ĩyo nĩ akuĩrĩre nyũmba.
Maara tondũ nĩwe watungataga nyina nĩ arigirwo ũrĩa egwĩka. Eciria
akĩona egũte nyina rũcinĩ tene. Nĩ ohanirie kĩimba kĩa nyina na mbũthũ cia maaĩ
na agĩkĩiga njĩra-inĩ ĩrĩa yageragĩrio mahiũ marĩa moima gũtahwo ni njamba cia
ita. Nĩ ahaicire mũtĩ iguru na agĩeterera.
Rĩrĩa mahiũ mokire nĩ marangire kĩimba kia nyina wa Maara hamwe na
mbũthũ cia maaĩ na ee harĩa aikarĩte mũtĩ igũrũ ni oigire mbu nene mũno.
Kaĩ nĩkĩo mũndũ angĩroka handũ tene mũno eragwo akinyire rĩrĩa
Maara ateire nyina ĩĩ.
